من طرف على الحجار واغنية ضحكة المساجين
اهداء الى كل شهداء مصر وثوراها
من كلمات الشاعر الكبير عبد الرحمن الابنودى
الحان الموسيقار فاروق الشرنوبى
توزيع محمد حمدى رؤوف
الكلمات
تغازل العصافير.. قُضبانها
زنزانة لاجلَك كارهة سجّانها
دُوق زيّنا حلاوة الزنازين
على بُرشَها.. بتمِدّ أطرافك
سجّانك المحتار فى أوصافك
مهما اجتهدْ ماحيعرف انت مين
طوبَى لكل المسجونين باطل
فى زمن.. بيخدعنا وبيماطل
يا شموس بتبرُق فى غُرَف عِتْمين
أما اللى خان وطنَك وأوطانى
م الهيبة.. حاطّينه ف قفص تانى
يصحى وينعس والجميع واقفين
ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين
يا دى الميزان اللى طِلعْت لفوق
بينزِّلوك بالعافية أو بالذوق
دول مش بتوع الصدق فى الموازين
الثورة نور.. واللى طفاها خبيث
يرقص ما بين شُهدا وبين محابيس
والدم لسّه مغرَّق الميادين
الحزن طايح فى قلوبنا.. بجدّ
ما فضلْش غير الشوك فى شجر الورد
غِلِط الربيع ودخل فى أغبى كمين
وفى انتظار تيأس مع الأيام
غيرك فى قفصُه بيضربوله سلام
وانت الجزم قبل الكفوف جاهزين
ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين
يا عم اقعد بسّ واشرب شاى
الدنيا ماشيه وشعبنا نسّاى
والبركة فى الشاشة وفى الجرانين
واذا هوْهوُوا.. قوم إعلن الأحكام
وكل بُق.. تلجّمه.. بلجام
ومش حتغلب تطبخ القوانين
ويا مصر.. هَدِّى وانتى بتفُوتى
الصوت فى صمتُه.. أعلى من صوتى
آدى السجين اللى ما باتش حزين
واللى يُقف فى وش ثوّارها
ما حيورث إلاّ ذلها وعارها
واللى حيفضل.. ضحكة المساجين
ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين
اهداء الى كل شهداء مصر وثوراها
من كلمات الشاعر الكبير عبد الرحمن الابنودى
الحان الموسيقار فاروق الشرنوبى
توزيع محمد حمدى رؤوف
الكلمات
تغازل العصافير.. قُضبانها
زنزانة لاجلَك كارهة سجّانها
دُوق زيّنا حلاوة الزنازين
على بُرشَها.. بتمِدّ أطرافك
سجّانك المحتار فى أوصافك
مهما اجتهدْ ماحيعرف انت مين
طوبَى لكل المسجونين باطل
فى زمن.. بيخدعنا وبيماطل
يا شموس بتبرُق فى غُرَف عِتْمين
أما اللى خان وطنَك وأوطانى
م الهيبة.. حاطّينه ف قفص تانى
يصحى وينعس والجميع واقفين
ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين
يا دى الميزان اللى طِلعْت لفوق
بينزِّلوك بالعافية أو بالذوق
دول مش بتوع الصدق فى الموازين
الثورة نور.. واللى طفاها خبيث
يرقص ما بين شُهدا وبين محابيس
والدم لسّه مغرَّق الميادين
الحزن طايح فى قلوبنا.. بجدّ
ما فضلْش غير الشوك فى شجر الورد
غِلِط الربيع ودخل فى أغبى كمين
وفى انتظار تيأس مع الأيام
غيرك فى قفصُه بيضربوله سلام
وانت الجزم قبل الكفوف جاهزين
ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين
يا عم اقعد بسّ واشرب شاى
الدنيا ماشيه وشعبنا نسّاى
والبركة فى الشاشة وفى الجرانين
واذا هوْهوُوا.. قوم إعلن الأحكام
وكل بُق.. تلجّمه.. بلجام
ومش حتغلب تطبخ القوانين
ويا مصر.. هَدِّى وانتى بتفُوتى
الصوت فى صمتُه.. أعلى من صوتى
آدى السجين اللى ما باتش حزين
واللى يُقف فى وش ثوّارها
ما حيورث إلاّ ذلها وعارها
واللى حيفضل.. ضحكة المساجين
ومصر عارفه وشايفه وبتصبُر
لكنّها ف خَطْفِةْ زمن.. تُعْبُر
وتستردّ الإسم والعناوين
» مشكله
» افتتاح سيرفر قهر العربي ( إيجي قهر ) تهيس
» حصريا علي بلد الجدعان امساكية رمضان 2012 -1433 هـ فيكتور للطباعة
» مجموعة تصميمات نتيجة 2012 psd victor فيكتور و فوتوشوب للطباعة
» تصميم مفكرةnotebook جاهز للطباعة و شرح كيفية عملة و تغليفة
» شاهد الجزيرة مباشر مصر بث مباشر علي بلد الجدعان
» قناة اون تي في on tv بث مباشر
» اعرف مكان لجنتك الانتخابية و رقمك في الكشوف انتخابات الرئاسة 2012
» مكان يأجوج ومأجوج و هل هما من سكان باطن الارض ؟
» بث مباشر من اعتصام المتظاهرين امام وزارة الدفاع و الاشتباكات مع البلطجية
» القائمة النهائية لمرشحين الرئاسة و رموزهم
» حصريا CorelDraw Graphics Suite X6 Full + Keygen كوريل درو 6 كامل + الكيجين
» حصريا علي بلد الجدعان مجموعة من الكروت الشخصية 2012 Business Card 2012
» اجمد كاريكاتير عن الحكومة و المجلس العسكري و الشعب و الثوار
» فيديو: مواطن يطارد وزير المالية الهارب بوسط لندن.. (مستر غالي أنت حرامي)
» اسماء العشرة المستبعدين من انتخابات الرئاسة
» عــــــــاجــــــــــل : الجزيرة : اللجنة العليا تستبعد خيرت وحازم ابو اسماعيل وعمرو سليمان وايمن نور من سباق الرئاسة
» ماذا يحدث لو لم تنجح الثورة مع ريم ماجد وبلال فضل وحمدى قنديل ويسرى فودة وكله بيتريق حلقة تستحق المشاهدة
» نحن مع الرصين عمر سليمان